Stofnaðilar voru fyrirtæki innan Sambands íslenskra kaupskipaútgerða; Eimskip, Samskip, Nesskip og Nes – skipafélag, auk Icelandair Cargo, Íslandspósts, Olíudreifingar og Skeljungs.
Öll aðildarfyrirtæki SVÞ sem starfa í hvers kyns vöruflutningaþjónustu eða hafa ríka hagsmuni af þróun greinarinnar geta gerst aðilar að flutningasviðinu.
Markmið
- Að lög og reglugerðir séu ekki óeðlilega eða óþarflega íþyngjandi fyrir starfsemi greinarinnar.
- Að auka almenna þekkingu á hlutverki og mikilvægi vöruflutninga fyrir atvinnulíf og samfélag.
- Að auka framboð og eftirspurn eftir menntun í flutningagreininni.
- Að skapa aðilum hagræði með faglegu samstarfi.
- Að skapa samstarfsvettvang til hagsmunagæslu fyrir flutningsaðila innan SVÞ.
